मृगलाई प्रहार गरेको गोली लागेर आफ्नै दाइको मृत्यु

मृगलाई प्रहार गरेको गोली लागेर आफ्नै दाइको मृत्यु

संखुवासभा । शिकारीले मृगलाई हानेको गोली लागेर एकजना युवकको मृत्यु भएको छ ।

आइतबार राति शिकार खेल्न गएका मादी नगरपालिका(८ मावादिनका
२१ वर्षीय रत्नबहादुर तामाङले मृगलाई प्रहार गरेको गोली लागेर २५ वर्षीय हस्तबहादुर तामाङको मृत्यु भएको हो । हस्तबहादुर रत्नबहादुरका आफ्नै दाइ हुन् ।

मृतक हस्तबहादुर, उनका भाइ रत्नबहादुर र सोही ठाउँका २२ वर्षीय कृष्णबहादुर तामाङ फाबिङको सिरान रक्टे जंगलमा आइतबार राति शिकार खेल्न गएका थिए ।

रत्नबहादुरले मृगलाई चलाएको गोली हस्तबहादुरको निधारमुनी लागेको र घटनास्थलमै मृत्यु भएको प्रहरीले जानकारी दिएको छ ।

घटनापछि रत्नबहादुर र कृष्णबहादुर दुई थान भरुवा बन्दुक,, ५० ग्राम बारुद, गोलीको रुपमा प्रयोग हुने किटको १० वटा टुक्रा, २ थान खुकुरी र एकथान टर्चलाइटसहित प्रहरी चौकी मादीरामबेनीमा सम्पर्कमा आएको प्रहरीको भनाइ छ ।

घटनास्थलबाट १ थान भरुवा बन्दुक बरामद गरी प्रहरीले थप अनुसन्धान गरिरहेको जनाएको छ ।

प्रतिकृया दिनुहोस

साताको लोकप्रिय

महिलालाई यौन सम्पर्क गर्न के कुराले मूड अन गरिदिन्छ ?

काठमाडौं । कुन मानिसलाई कस्तो खालको यौन सम्पर्कको शैली मन पर्दछ भन्ने कुरा समग्रमा भन्न गाह्रो हु...