कलंकीको जाम सकिँदै, अब ‘३० सेकेण्ड’ मात्र पालो कुर्नुपर्ने

कलंकीको जाम सकिँदै, अब ‘३० सेकेण्ड’ मात्र पालो कुर्नुपर्ने

काठमाडौं । जामका कारण यात्रु हैरान बन्ने काठमाडौं कलंकीको जाममा बस्नुपर्ने दिन सकिँदैछन् ।

अण्डरपास सञ्चालनमा आएसँगै कलंकीमा बढीमा आधा मिनेटको मात्र जाम हुने चक्रपथ सडक आयोजनाका प्रमुख प्रकाशचन्द्र भण्डारीले बताए ।

अण्डरपास निर्माणको लगभग सबै काम सकिएकाले अब केही दिनभित्रै सञ्चालन हुने उनले बताए ।

झरीका कारण काम गर्न समस्या भएपछि अण्डरपास सञ्चालनमा केही ढिलाई भएको आयोजना प्रमुख भण्डारीको भनाई छ । शुक्रबार दिनभरि काम गर्न पाए अण्डरपासको काम लगभग पूरा हुने उनले जानकारी दिए ।

अण्डरपास सञ्चालन भएपछि चक्रपथमा गुड्ने गाडी अण्डरपासबाट सिधै ओहोरदोहोर गर्ने भएकाले जाममा बस्नुपर्ने छैन । आयोजना प्रमुख भण्डारीका अनुसार अण्डरपासमाथि बाट गुड्ने गाडीमध्ये बायाँतर्फ जाने गाडीले पनि जाममा बस्नु पर्दैन । जताबाट पनि बाँयातिर जाने गाडीले सिधै मोडिन पाउनेछन् । दायाँतर्फ मोडिनुपर्ने गाडीले भने केहीबेर पालो पर्खर्नुपर्नेछ । त्यसरी दायाँतर्फ जाने गाडीले बढीमा आधा मिनेट मात्र कलंकीमा पालो कुर्नुपर्ने प्रमुख भण्डारीले बताए ।

चीनको अनुदान सहयोगमा कोटेश्वर–बल्खुपुल–कलंकी चक्रपथ सुधार आयोजनाअन्तर्गत अण्डरपास निर्माण भएको हो । अण्डरपास निर्माणको काम ६ महिनाभित्र पूरा गर्ने लक्ष राखेर सुरु गरिए पनि २ वर्षमा बल्ल सकिएको हो ।

प्रतिकृया दिनुहोस

साताको लोकप्रिय

महिलालाई यौन सम्पर्क गर्न के कुराले मूड अन गरिदिन्छ ?

काठमाडौं । कुन मानिसलाई कस्तो खालको यौन सम्पर्कको शैली मन पर्दछ भन्ने कुरा समग्रमा भन्न गाह्रो हु...