कविता : सम्झनामा आमा

Sushila lohani

खै कसरी तिरु आमा
दश धारा दुध पिलाएको ऋण
फर्किएनन् आमा तिम्ले
स्वर्णिम मायाले बोलाएको दिन ।

लाएको फरियाँ च्यातेर
मलाई न्यानो दिलाए
ताजै छन् आमा
तिमी नाङ्गिएर मेरो आङ ढाकेको
अनि ताजै छ
आफ्नो भोको पेट भर्न नपाउँदै
मेरो पेट भर्न खोजेको ।

सम्झना आउँछ हात समातेर डुलाएको
मन, मस्तिष्क र चेतना भरिदिएको
तर,
ति दिन अब फेरि फर्किने छैन
र, भुलेको पनि छैन पीडादायी ति दिन 

आमा !
म ति दिनको सम्झनामा छु
जुन दिन
मेरो बाल्यपनमा माया खोसियो
साथ खोसियो
गास खोसियो
र मात्रृत्व खोसियो ।

 

प्रतिकृया दिनुहोस

साताको लोकपृय

निलम्बित सिआइबीका डिएसपी अंगुर जिसी भन्छन्, म एसपी साबसँगै सति जान सक्दिनँ

Angur gc

म सबै प्रकारका घटनाको अनुसन्धान गर्न जान्नँ । विषेश प्रकारका घटनामा म आफैँ जान्छु । किनकी मप्रति ...